0
كيفَ تُجري مقابلة شخصية ناجحة ؟أنواعالمقابلات :
على طالب الوظيفة أن يعرف أنواع المقابلات لكي يكون مستعداً لأيمنها :
1- المقابلة وجها لوجه وهي الطريقة التقليدية المتداولة . وهذه الطريقةأسهل أنواع المقابلات، وليس عليك سوى التحكم في حديثك، وردود أفعالك إزاء الأسئلةالمختلفة.
2- المقابلة الجماعية (مقابلة مجموعة من المتقدمين للوظيفة معاً) . ومن الأفضل في هذه الحالة أن تفعل مايلي :
- اختيار مقعد في منتصف المكان .
- الإجابة عن الأسئلة بوضوح وثبات .
- عدم مقاطعة باقي المتقدمين إلا فيحالة أن يقدم أحدهم معلومة خاطئة .
- لا تنتقد باقي المشاركين .
- حاول ألاتكون أول من يبدأ في السؤال عن المرتّب .
- لا تحتكر الحديث ، أعطِ فرصة الحديثللآخرين أيضاً .
- في النهاية لا تنسَ أن تحيّي باقي المشاركين بعد تحية لجنةالمقابلة .
كيفَ تستعدُّ للمقابلة :
1- اهتم بمظهركَ الخارجي ، واخترالملابس المناسبة ، وطريقة ارتدائها بحيث تكون بسيطة ، وابتعد عن التكلّف والتصنع ،والإسراف ، والبهرجة ، والتأنق الزائد . واعلم أن المظهر العـام يلعب دورا كبيراًفـي التأثير علـى الشخص الـذي يُجري لك المقابلة . إن القاعدة الذهبية في هذاالمجال : (الظهور بمظهر نظيف ولائق بمكان العمل الذي تتقدم إليه) .
2- من المهمأن يصل المتقدم للوظيفة في الموعد المحدد للمقابلة ، وهو في حالة نفسية جيدة وبعيدةعن القلق والاضطراب .
3- اجمع أكبر قدر من المعلومات عن صاحب العمل ، وعنالشركة وعن أهدافها وتحديداً عن الوظيفة المتقدم إليها .
4- اجمع نسخاً نظيفةًمن الأوراق المطلوبة لهذه الوظيفة مثل : الشهادات العلمية ، وشهادات الخبرة ،والسيرة الذاتية ، وخذ أكثر من نسخة من هذه الأوراق .
5- رتِّب أفكارَكوتساؤلاتك جيداً قبل الذهاب للمقابلة .
6- كنْ مستعداً لتقديم الشرح عنمؤهلاتِك للعمل، والأجوبةِ عن الأسئلة التقليدية، واعمل على تطبيق ذلك مسبقاً منخلال تمثيل الأدوار مع صديق لك ، أو أمام المرآة في البيت .
7- حدد الأسئلة التيتريـد طرحَها في أثناء المقابلة ( طبيعة العمل ، ساعات العمل ، الراتب ، الحوافز ....
8- إذا لم تكن مستعداً لإجراء المقابلة فاتصل بصاحب العمل بالسرعة الممكنة، وحدد موعداً آخر .
9- النوم يُريح الذهن ، لذا عليك أن تنام في الليلةالسابقة لموعد المقابلة ؛ لأن هذا سينعكس إيجاباً على مظهرك وحيويتك وصفاء ذهنك .
10- يوم المقابلة : احرص على الوصول قبل المقابلة بعشر دقائق .
الأسئلةالأكثر شيوعاً في المقابلات :
عادة ما تتضمّنُ أنواع الأسئلة التي تُطرح علىالمتقدّم من قبل أصحاب العمل (أسئلةً شخصية ، وأسئلة تخصصية ، وأسئلة عن الخبراتالعملية ، وأسئلة عن الرغبات والميول المهنية ) .
وفيما يلي نعرض لأبرز هذهالأسئلة :
1- ما سبب رغبتك في العمل في هذه الشركة ؟
2- لماذا تركتَ عمَلَكالسابق ؟
3- ما الذي كنت تقوم به في عملك السابق ؟
4- أي نوع من المعدّاتوالأجهزة يمكنك تشغيلها ؟
5- كم هي المدة التي بقيتها بلا عمل ؟ وكيف كنت تقضيوقتك ؟
6- حدثني عن نفسك .
7- ألا ترى أن تأهيلك أعلى مما هو مطلوب فيالوظيفة ؟
8- ما الذي يجعل الموظف ناجحاً في عمله ؟
9- كيف يمكنك معالجةضغط العمل ؟
10- ما هو الراتب الذي تتوقعه ؟
11- كيف كان معدل غيابك عنعملك السابق ؟
12- متى ستكون جاهزا للبدء في العمل ؟
13- ما هي نقاط قوتكونقاط ضعفك ؟ .
14- ما أصعب موقف واجهته في حياتك العملية ؟
15- هل تفضلالعمل منفردا أم مع آخرين ؟
16- هل لديك أية أسئلة ؟ عادة ما يطرح هذا السؤالفي نهاية المقابلة . جهّز نفسك للسؤال عما تريد معرفته عن الوظيفة والشركة .
أسئلة أخرى متوقّعة في أثناء المقابلة
1- ما هي الأهداف التي تُريدُتحقيقها في حياتك المهنية ؟ وما الأهداف التي نجحت في تحقيقها ؟
2- لماذا اخترتالعمل في هذا المجال تحديدا ؟
3- كيف تقيّم النجاح؟ وهل يمكن أن تعطي مثالاًلنجاح أحرزته ؟
4- هل تفضل التعامل مع الأشخاص أم مع البيانات؟
5- كيف تستطيعالتعامل مع مشاكل العمل؟
6- أعط مثالاً لمشكلة كبرى واجهتك واستطعت أن تحلهابنجاح .
7- ما أهم بالنسبة لك : نوعية الوظيفة أم المرتب ؟
8- ما هو متوسطالمرتب الذي تتوقعه؟
9- أعطِ مثالاً عن مـوقف اضطررت أن تتخذ فيه قراراً سريعاً , وما كانت نتائجه ؟
10- ما هو أكثـر موقف صعب تعرّضت له في عملك من خلال تعاملكمع العملاء ؟
11- كيف يمكنك أن تتصرف إزاء مسؤوليات متعددة ملقاة على عاتقك؟
12- ما هو التحدي الذي واجهته في عملك من قبل وكيف تعاملت معه ؟
13- ما هيصفات المدير الناجح ؟
أمور يجب تجنّبُها في أثناء المقابلة الشخصية :
1- طريقة تصفيف الشعر (ألا يكون هناك مبالغة في الطول أو القصر) .
2- تنظيف الأسنانحتى تكون رائحة الفم طيبة في أثناء الكلام .
3- تقليم الأظافر .
4- عدمالذهاب إلى المقابلة وعلى اليد أو الذراع آثار لوشمٍ معيّن .
5- الإجابة السريعةعن السؤال دون ترك وقت للتفكير قبل الإجابة .
6- الكلام بصوت منخفص بحيثلايسمعك من تتحدّث معه ، أوالكلام بصوت مرتفع .
7- الخروج عن موضوع السؤال إلىموضوع آخر .
8- الإسهاب ، والدخول في تفاصيل غير لازمة لايتطلبها السؤال .
9- الارتباك وعدم الثقة بالنفس . فلابد من أن تتعامل بثقة مع المواقف التيستصادفك في أثناء المقابلة .
10- الظهور بمظهر اليائس الذي يقبل أية وظيفةستعرض عليه .
11- مضغ الحلوى أو اللبان .
12- التدخين ، و لو عَرضَ عليكالمسؤول عن المقابلة سيجارةً ارفضها بأدب .
13- إصدار إشارات أو إيماءات مربكةأو مثيرة للانتباه .
14- وضع ساق على ساق والاسترخاء بطريقة ممثيرة للاستهجان .
15- الجلوس قبل السماح لك بذلك .
16- النظر أو التفتيش في الأوراق الموجودةعلى الطاولة .
17- ترك الجوال مفتوحاً ، أو الرد على أي مكالمات .
18- لاتمزح أو تخفف الدم ، ولا تُلقِ بالنكات في أثناء إجراء المقابلة .
نصائحضرورية لا غنى عنها قبل المقابلة وأثناءها :
1- نَـمْ جيداً في الليلة التي تسبقالمقابلة ، وتناولْ طعام الإفطار قبل الذهاب للمقابلة .
2- خطط للوصول مبكراًإلى مكان إجراء المقابلة .
3- احضِرْ معك نسخاً إضافية من سيرتك الذاتية فقدتحتاج إليها.
4- انظر في عين محدّثك حتى تُشعره بثقتك بنفسك.
5- لا تُجب عنالأسئلة (بنعم أولا) فقط ، وحاول أن توضح مواهبك وقدراتك مع إعطاء بعض الأمثلةللدلالة عليها.
6- لاتتعرض لأي مشكلة شخصية تخصك .
7- وضّح ما يمكن أن تقدمهللشركة بدلاً من السؤال عما يمكن أن تقدمه هي لك .
8- يجب عليك أن تُجيد الإنصاتوألا تُقاطع محدثَّكَ حتى لو اعترض على بعض ما تقوله .
9- عند نهاية المقابلةالشخصية علـى المتقدم للوظيفة أن يصافح القائم بالمقابلة ، ويبتسم ، وينظر إليهمباشرة ، ويشكره على ما أتاحه له من فرصته, كما أنه لامانع من السؤال عن التاريخالذي يتوقع فيه معرفة نتيجة المقابلة .
10- من الضروري إرسال خطاب شكر في اليومالتالي للجنة التي أجرت المقابلة يعبر المتقدّم للوظيفة من خلاله عن امتنانهللمقابلة وازدياد تطلعه للالتحاق بالشركة أو المؤسسة بعد ما سمعه عن أعمالها وخططهاخلال المقابلة, ويساعد هذا الخطاب في التذكير بشخص المتقدم , كما أنه يبرز دماثةخلقه ودرايته بآداب التعامل المهني ، وبخاصة أن المتقدمين الذين ينافسونه علىالوظيفة كُثُر .
11- وأخيراً تذكّر أن الانطباعات الأولى التي تتشكل في بدايةالمقابلة الشخصية كثيراً ما تستمر , لذا يجب عليك أن تدخل إلى غرفة المقابلة بخطواتواثقة وقامته ممدودة ، وأن تكون قبضة يدك عند المصافحة قوية وتوحي بالثقة والتفاؤل ....
س/ ماذا تعرف عن ميزانية البنوك التجارية ومكوناتها
س/ ماذا تعرف عن ميزانية البنوك الاسلامية ومكوناتها
س/ ما هي موارد البنوك الاسلامية
س/ماهي موارد البنوك التجارية
س/ماهي استخدامات البنوك التجاري والاسلامية
س/كيف تستثمر البنوك التجارية اموالها
س/ ما المقصود بالمضاربة والمشاركه والمرابحه في البنوك الاسلامية
س/ ما المقصود بالمنشات المالية المتخصصه
1- ايه الفرق بين الميزانية والمركز المالي ؟؟؟
المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها ... في أي يوم في السنة .
يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.
طب ايه هي الميزانية العمومية ؟
هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة
طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية
-----------------------------
2-ايه الفرق بين الميزانية والموازنة ؟؟؟ :busted_r:
الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .
يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .
طب ايه هي الموازنة ؟؟؟
الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.
-----------------------------------------
2- ايه الفرق بين المصروفات الايرادية والمصروفات الرأسمالية ؟؟؟ :icon30:
أولا نحب نعرف ايه هو المصروف :
هو عبارة عن نفقة ( يعني --> فلوس بادفعها ) في سبيل الحصول على ايراد.
يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.
يبقى المصروف بادفعه في سبيل الحصول على الايراد.
المصروف الايرادية : هو مصروف يحقق الايراد في نفس السنة المالية .
المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .
يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .
ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .
مثال تاني :-
مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .
طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية ... يعني بدل ما تنتج مثلا عشر وحدات خليناها تنتج 15 وحدة يعن زودنا كفائتها الانتاجية والزيادة دي مش هتكون في أول سنة بس ؟؟ لا طبعا ... في السنين المتتالية اللي بعديها . يبقى المصروف ده في هذه الحالة مصروف رأسمالي.
4- ما الفرق بين المخصص والاحتياطي ؟؟
أولا : نحب نقول لكم على حاجة الأول ...
أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم .... وبالتالي هيعلن افلاسه.
علشان كده قلنا لازم نخلي حساب خاص للأرباح هو بس اللي يتسحب منه الفلوس .
يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.
نرجع لموضوعنا ... الفرق بين المخصص والاحتياطي
المخصص والاحتياطي ... الاثنين مبلغ يستقطع من الربح لمواجهة خسارة متوقعة .
واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.
الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).
فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة ) يعني بيكون لتدعيم المركز المالي.
----------------------------------
5- ما هو الحساب الذي لا يظهر ضمن ميزان المراجعة ؟؟
الله ... يا سلام ... سؤال سهل جدا .... :clap0000:
أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-
تجميع الأحداث المالي ---------> تسجيل الأحداث المالية في قيود يومية --------> تبويب الأحداث المالي في حـ/ الأستاذ ------------> تليخص اعمليات السابقة في ميزان المراجعة
طب ايه هو الحساب أو البند الذي لا يمر بكل هذه المراحل .... ؟؟؟
بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة.
6- إيه الفرق بين الكمبيالة والسند الاذني ؟؟
أولا : الكمبيالة والسند الاذني بيطلق عليهما الأوراق التجارية ... وهما وسيلة من وسائل الائتمان التجاري ....
حاسب ... حاسب ياعم انت ايه الكلام الكبير ده ... وحده وحده علينا ... ايه الائتمان التجاري دة ؟؟؟
الائتمان التجاري ده : عبارة عن تأخير دفع ثمن البضاعة المشتراة وذلك لحد الحال ما يتحسن الحال ... بيستفيد بها التجار المشترين في توفير سيولة لوقت مؤقت ... وبيستفيد بها التجار البائعين في جذب المشترين وترويج بضاعتهم .
طب ايه الفرق بين الكمبيالة والسند الاذني ؟
الكمبيالة عبارة عن أمر كتابي يصدر من الدائن إلى المدين بطلب فيه دفع مبلغ معين إلى الدائن أو إلى شخص ثالث المستفيد وذلك فور الاطلاع عليها أو في تاريخ معين ...:crazy000: يعني .....
حسين اشترى بضاعة من محمد بالأجل
يبقى حسين مدين ومحمد دائن
يجي محمد يقول لحسين اكتب لي كمبيالة مقابل البضاعة
عبارة عن ايه الكمبيالة محمد يأمر حسين بأنه يدفع مبلغ الكمبيالة في تاريخ معين ويمضي عليها حسين انه موافق على الدفع ..
محمد بقى ممكن يأخد هو الفلوس دي .... أو ممكن يبقى هو مدين لشخص ثالث عبد الله مثلا فيروح كاتب اسم عبدالله على الكمبيالة ويروح عبد الله لحسين علشان ياخد فلوسه منه .
يبقى الكمبيالة ليها ثلاث أطراف
1- حسين المدين ( المسحوب عليها ) هو اللي هيدفع الفلوس لأي حد يجيب له الكمبيالة
2- محمد الدائن ( الساحب ) هو ده الدائن الأول لحسين اللي حرر الكمبيالة مع حسين
3- عبد الله الدائن لمحمد ( المستفيد ) وهو اللي هيقبض الفلوس من حسين
ملحوظة ::
ممكن محمد يكون هو المستفيد يعني ممكن يقبض هو الفلوس بتعاته على طول من حسين
وممكن عبد الله يكتب اسم شخص رابع دائن لعبد الله وهو اللي يروح يصرف الفلوس من حسين وهكذا....
السند الاذني : هو تعهد كتابي يتعهد فيه المدين بدفع مبلغ معين للدائن في تاريخ محدد.
يعني يتعهد حسين المدين ( المسحوب عليه ) بدفع مبلغ لمحمد الدائن الأصلي لحسين ( المستفيد ) في تاريخ معين.
يبقى الفرق إن أطراف الكمبيالة ثلاثة والسند الاذني اثنين فقط
-----------------------
7- إيه الفرق بين أوراق القبض وأوراق الدفع ؟؟
أوراق القبض وأوراق الدفع يطلق عليها الأوراق التجارية ... وهي الكمبيالة والسند الاذني...
بس الفرق إنه لما يكون المسحوب عليه في الكمبيالة والسند الاذني هو الشركة أو المنشأة تبقى دي أوراق دفع تظهر ضمن الخصوم المتداولة في قائمة المركز المالي أو الميزانية
أما لو كان المستفيد من الكمبيالة والسند الاذني الشركة أو المنشأة تبقى دي أوراق قبض بتظهر ضمن الأصول المتداولة في قائمة المركز المالي أو الميزانية
يعني لو هنقبض من الورقة التجارية تبقى أوراق قبض لكن لو هندفع تبقى أوراق دفع .
----------------------------
8- ايه الفرق بين أوراق القبض وبين الأوراق المالية ؟؟؟
علشان يكون في العلم أوراق القبض والأوراق المالية هي من الأصول المتداولة
أوراق القبض زي ما عرفنا هي الكمبيالة أو السند الاذني اللي بيكون المستفيد فيها هي الشركة أو المنشأة
لكن الأوراق المالية هي الأسهم والسندات اللي بتشتريها المنشأة علشان تأخذ عائد من ورائها .-
9- هل المبيعات مدينة أم دائنة ؟؟؟
هذا السؤال أورده أحد أخواننا في الردود ... وهو مما سئل عنه في انتر فيو لأحد الشركات ..
أولا ما هي أنواع الحسابات ؟؟
أنواع الحسابات هي :-
------------------------------> حسابات حقيقية : وهي الحسابات التي تعبر عن شي حقيقي يمكن جرده ويمكن التصرف فيه - بالبيع مثلا - وهي مثل ( الأصول الثابتة )( مخزون البضائع )( الأوراق التجارية والمالية )( النقدية بالصندوق والبنوك )
------------------------------> حسابات شخصية : وهي المتعلقة بالأشخاص ، والأشخاص نوعين شخص حقيقي مثل ( محمد ، علي ، حسين ، ..... وهكذا ) وشخص معنوي مثل ( شركة .... ، مصلحة ..... ، مؤسسة .... ، ..... وهكذا ) .
------------------------------> حسابات وهمية أو أسمية : وهي عكس الحقيقية أي لا يمكن جردها ولا يمكن التصرف فيها لا بالبيع أو بالشراء. وهي مثل ( المصروفات والإيرادات ) فمثلا حـ/ الايجار هل يمكن عده أو جرده هل يمكن أن أبيع شوية أيجار . ، وأيضا مثل ( الخسائر والأرباح ) هل يمكن عد أو جرد الخسائر أو الأرباح لا يمكن طبعا . وأيضا مثل ( المشتريات والمبيعات ).
ايه لا استنى لحظة ... ازاي المشتريات والمبيعات لا يمكن جردها ؟؟؟ هي مش بضاعة ؟؟!!
لا .. لا ... حـ/ المشتريات وحـ/ المبيعات مش بضاعة هي عبارة عن قيم للبضاعة والدليل ان احنا مش خليناهم في حساب واحد لأن المشتريات بسعر التكلفة والمبيعات بسعر البيع فلا يمكن أن يوضوعوا في حساب واحد وبالتالي فحـ/ المشتريات هي عبارة عن حساب أسمي فقط تم عمله لمعرفة قيمة البضاعة المشتراه بسعر الشراء أو التكلفة ، وحـ/ المبيعات عبارة عن حساب أسمي فقط تم عمله لمعرفة قيمة البضاعة المباعة بسعر البيع ، فالحسابين لا يعبران عن شيء حقيقي
نرجع للسؤالنا ايه هو الحساب المدين من الدائن
** جميع الحسابات الحقيقية مدينة
** أما الحسابات الشخصية فهي مدينة لو أخذت ودائنة لو أعطت يعني بالبلدي لو واحد أخذ منك فلوس هيبقى ايه ؟؟ ... طبعا مدين ، ولو واحد أعطاك فلوس هيبقى ايه ؟؟؟.... طبعا دائن
** أما الحسابات الوهمية أو الأسمية
بالنسبة للمصروفات والخسائر والمشتريات كلها مدينة
وبالنسبة للإيرادات والأرباح والمبيعات كلها دائنة
-------------------------------------------
10- عرف الدورة المستندية وأعطي مثلا منها ؟؟؟
الدورة المستندية : من أسمها كده نعرف ان هي بتتكلم عن حركة المستندات داخل الشركة . وكون ان هي دورة لان حركتها داخل أي منشأة تتابع دورة الفلوس والأموال داخل الشركة
يعني ايه ياعم انت ...
يعني أنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوس البيع علشان تبدأ تاني عملية اني أدفع فلوس وأشتري بضاعة ...... وهكذا
جميع المستندات التي تدل على اثبات جميع هذه الحركات تسمى بالدورة المستندية
وهي عبارة عن ايه :-
---> عند دفع الفلوس يتم تحرير ايصال صرف نقدية معتمد من المدير المالي والمدير العام للشركة ويوقع مستلم الفلوس على الايصال ( هي سايبة ولا ايه )
---> عند شراء بضاعة فهناك فاتورة مشتريات بقيمة هذه البضاعة وإذن اضافة بالمخازن لاثبات استلام البضاعة ووضعها داخل مخازن الشركة ومتنسوش التوقيع والاعتماد من مدير المشتريات والمدير العام
---> عند بيع البضاعة هناك فاتورة مبيعات من الشركة للعميل وكمان اذن صرف من المخازن يثبت أن البضاعة تم صرفها والعميل وقع على أنه استلمها
---> عند استلام فلوس من من أحد العملا أو من المبيعات النقدية يتم تحرير ايصال استلام نقدية ويوقع عليه أمين الخزينة .
---> وهكذا
وإن شاء الله سيتم عمل موضوع خاص لشرح الدورة المستندية داخل الشركات وهيكون فيها تفصيل إن شاء الله
أسئلة مصلحة خبراء وزارة العدل؟؟
وهي من الطلبات التي للأسف أخرتها كثيرا عن أحبابي اعضاء المنتدى ... ولكن اعذروني لانشغالي الكبير جدا... وآسف مرة أخرى .
الخبراء الماليين والمحاسبين في وزارة العدل ليس اهتمامهم الوحيد على المحاسبة فقط بل اهتمامهم وابداء رأيهم في القضايا المرفوعة لهم ، تتركز على :-
-----> قوانين الضرائب ومحاسبة الضرائب
-----> قوانين الشركات ، واالاختلافات بين الشركاء والشركات بينها وبين بعضها.
-----> قضايا ومواضيع الميزانيات والأرباح والخسائر .( يعني المحاسبة )
-----> قضايا تصفية الشركات
-----> قضايا المتعلقة بالتعاملات بالبنوك وشركات التأمين ( مثل قضايا محاسبة المدينين اللي أخذوا قروض من البنك وتعثروا في السداد)
وبالتالي يتوجب على الخبير أن يكون ملم بما يلي :-
*** بقانون الضرائب على الدخل وخاصة القانون رقم 91 لسنة 2005
*** قانون الشركات رقم 159 لسنة 1981
*** المحاسبة المالية
*** محاسبة الشركات وأعمال التصفية
*** القانون التجاري
*** قوانين التي تحكم البنوك واللوائح التنفيذية للبنك المركزي المصري
والتوفيق لجميع اخواننا بالنجاح ....
-------------------------------
11- ما هي طريقة تقييم المخزون ؟؟؟
هذا السؤال كثيرا ما يرد في أي انتر فيو للمحاسبين ،،، ولكن خلي بالك في سؤال تاني في نفس الموضوع ناس كتير بتتلخبط بينهم وهو ...
12- ما هي طرق تسعير المخازن ؟؟؟
وطبعا الفرق إن السؤال الأول بيتكلم عن طريقة تقييم المخزون والمقصود بالمخزون هنا يعني بضاعة آخر المدة ... يعني لما نيجي نجرد البضاعة طبعا بنجردها كميات ... طب وايه اللي هيحصل بعد كده ؟؟ طبعا لازم ندي قيمة وسعر لهذه البضاعة ... هو ده اللي بنسميه طريقة تقييم المخزون
والطريقة المتبعة والسائدة هنا هي طريقة التكلفة أو السوق أيهما اقل
ازاي؟؟؟؟!!!
يعني بعد ما جردنا نأخذ آخر سعر للبضاعة دي اللي احنا اشترناها بيه ونقارن بينه وبين سعرها في السوق الأقل هو ده اللي احنا هنسعر بيه البضاعة الموجودة في المخازن آخر المدة.
طب ايه معنى السؤال الثاني ؟؟؟
السؤال الثاني بيتكلم عن طرق تسعير المخازن ،، يعني البضاعة لما تخش المخازن بتدخل بسعر الشراء اللي احنا اشترناها بيه وبعد كام يوم نشتري بضاعة تانية ولكن بسعر أعلى شوية وبعد كام يوم تانيين السعر زاد تاني وممكن يقل ( ما هو مفيش أمان اليومين دول ) ، ولكن لما بتتصرف من المخزن بتطلع بأي سعر ؟؟؟ لان السعر مش ثابت كل يوم بيتغير .
وهنا هناك ثلاث طرق لتسعير البضاعة في المخازن وهي :-
أولا: الوارد أولا يصرف أولا :
ايه ده أولا في كله...
يعني البضاعة لما بتدخل في المخازن بسعر نبدا نصرف منها بنفس السعر الأول اللي احنا اشترينا بيه لحد لما تخلص الكمية وبعدين نخش على الكمية والسعر اللي بعده وهكذا
مثلا:
اشترينا 5 كمبيوترات بسعر2500 جنيه للجهاز ودخلوا المخزن
وبعدين اشترينا 3 كمبيوترات تانين ولكن بسعر 2600 جنيه للجهاز ودخلتاهم المخزن
أول ما نيجي نصرف مثلا 4 كمبيوترات من المخزن هيكونوا بسعر 2500 جنية سعر أول بضاعة خرجت
ولو جينا صرفنا 2 كمبيوتر تانين من المخزن هيكون واحد بسعر 2500 وواحد بسعر 2600 يعني نفضل ناخد سعر أول بضاعة جاية لحد لما تخلص الكمبية اللي عندنا
ثانيا : الوارد أخيرا يصرف أولا :
وهي عكس الطريقة الأولى يعني نصرف من المخزن البضاعة بسعر آخر بضاعة دخلت المخزن لحد لما تخلص الكمية وبعدين نخش على الكمية اللي قبلها وهكذا .
مثلا :
في حالتنا السابقة دي
اول لما نيجي نصرف أربع كمبيوترات من المخازن هنصرف 3 كمبيوترات بسعر 2600 جنية وبعدين نصرف كمبيوتر واحد بسعر 2500 جنية يعني صرفنا بآخر سعر دخل المخزن لحد ما خلصت الكمية وبعدين أخذنا بسعر اللي قبله وهكذا
وأول لما نصرف 2 كمبيوتر من المخزن هنصرفهم بسعر 2500 جنيه
ثالثا : طريقة متوسط السعر :
يعني بالبلدي نأخذ متوسط سعر بين اللي الاثنين يعني نجمع السعر الأول + السعر الثاني ونقسمهم على 2
مثلا :
في حالتنا السابقة دي
أول لما نيجي نصرف الأربع كمبيوترات من المخازن نصرفهم بسعر 2550 جنية وهو ده متوسط السعر بين الاثنين حسبناها ازاي كد هو ...
2500+2600
-------------- = 2550
2
ولما نصرف 2 كمبيوتر تانين نصرفهم بسعر 2550برضو
ولمانشتري مثلا 3كمبيوترات تانين بسعر 2700 جنية اذن يتم الصرف بسعر 2625 جنية ازاي
2550+2700
------------- = 2625
2
وهكذا
وهنا نكون عرفنا أيضا الفرق بين المخزون والمخزن :
الفرق إن المخزون ده عبارة عن البضاعة الموجود داخل المخزن آخر المدة
أما المخزن فهو المكان نفس اللي بتتخزن فيه البضاعة يعني لما تدخل فيه بضاعة بيكون مدين ولما بتتصرف منه بيكون دائن
انا من تجربتي في الانترفيوهات المشكلة التي دائما تقابليني هي الغة خاصة لما يقولك انت كويس في المحاسبة بس انا ممكن اعلم اي حد محاسبة بس انا يهمني الغة وده بقابله في الشركات الكبيرة خاصة لما اقعد امتحن ما يقرب من 3 او 4 ساعات امتحان محاسبة بالانجليزي وكمبيوتر بالانجليزي واختبار ذكاء (IQ) بالانجليزي وفي النهاية امتحان انجليزي بالانجليزي وبعد المرور من كل هذا مقابلة بالانجليزي وفي النهاية انشاء الله هنتصل بيك بس ياجماعة نصيحة اخويا فعلا اي انترفيو الواحد بيستفاد منه ده في حد ذاته خبرة لذا اكثروا من الانترفيوهات خاصة في الشركات الكبيرة ذات الاسماء المشهورة وبالتوفيق للجميع واهم شيء لا تياس وايقن ان كل شيء رزق ونصيب
13 - ما الفرق بين ( Perpetual Inventory System & Periodic Inventory System ) ؟؟؟
هذا السؤال أورده أحد الأخوة الأفاضل اتعرض عليه في انتر فيو ،، أولا عاوزين نعرف ايه معنى كل مصطلح منهما ؟
Perpetual Inventory System
ويعني (( نظام الجرد المستمر ))
Periodic Inventory System
ويعني (( نظام الجرد الدوري ))
ايه الفرق بين النظامين ؟؟
1- نظام الجرد المستمر هو ان الشركة بتعمل حساب ضمن حسابات الشركة هو حـ/ المخزن ،، هذا الحساب يدخل فيه حركة المخزن كلها.
يعني عند شراء المنتجات ودخولها المخزن بنقول
من حـ/ المخزن
_______ إلى حـ/ (( الحدث المكمل ليه )) وليكن الخزينة
وعند صرف البضاعة وبيعها وخروجها من المخزن بنقول
من حـ/ (( الحدث المكمل ليه )) وليكن العملاء
_______ إلى حـ/ المخزن
يعني بنفضل نقيد كل حركة بتحدث على البضاعة (( المخزن )) يوم بيوم .
2- أما نظام الجرد الدوري هو أن الشركة تعمل حساب مستقل لكل حدث على المخزن .
يعني عند شراء المنتجات ودخولها الشركة بنقول
من حـ/ المشتريات
عند البيع نقول
إلى حـ/ المبيعات
عند رد المبيعات نقول
من حـ/ مردودات المبيعات
عند رد المشتريات نقول
إلى حـ/ مردودات المشتريات
وفي نهاية السنة بنعمل جرد للمخزون وبيكون هو ده مخزون آخر المدة .
3- المهم النظام الأول وهو نظام الجرد المستمر بيستخدم غالبا في الشركات الصناعية وعند الصرف من المخزن بنصرف خامات بتدخل في العملية الانتاجية فبيكون القيد كما يلي
من ح/ التشغيل
_______ إلى حـ/ المخزن ( خامات )
يعني بنقفل حساب المخزن في حساب التشغيل
أما نظام الجرد الدوري فغالبا بيستخدم في الشركات والمؤسسات التجارية
المصانع المصرية
http://www.dvd4arab.com/showthread.php?t=765033
اوصف شغلك
http://www.dvd4arab.com/showthread.php?t=1285691
عايز اقول بردو على شوية حاجات كانت في امتحان النهاردة عشان بردو الكل يستفيد
وانا قاصد اني اقول امتحان عشان ده كان ورقة وقلم وقيود وتعريفات واختياري بس
القيود كانت سؤال في العهدة: الموظف س اخذ عهدة بقيمة 20000 اكتب قيد العملية دي
وفي يوم 14/2/2004
تم اضافة 300جنيه مواصلات و100جنيه اكرامية
ويوم 15/4/2004
تم صرف العهدة للموظف س من خزينة الشركة
اكتب القيود اللازمة لاثبات ذلك
وسؤال تاني كان عنالة تم شرائها بمبلغ 190000جنيه وكان فيه مصاريف نقل وتركيب 5000جنيه والقيمة التخريدية للالة 5000جنيه
1.اكتب قيد شراء الالة
2.اثبت اهلاك الالة خلال سنة اذا علمت ان الالة تم شرائها يوم 1/4/2005 ومدة عمرعا الافتراضي 10سنوات
وسؤال تالت عن بيع بضاعة بالاجل بمبلغ 50000 جنيه بالاضافة الى ضريبة مبيعات 10% يعني 5000 جنيه
اكتب القيود اللازمة لاثبات الاتي:
1. عملية البيع السابقة
2.يوم 15/5/2006 دفع العميل 1000 جنيه من مبلغ البضاعة
3.يوم 14/7/2006 دفع العميل باقي قيمة البضاعة بشيك بالمبلغ مع اعطائه نسبة 1% خصم
4.يوم 15/7/2006 تم تحصيل الشيك من البنك
نيجي بعد كده للتعريفات اللي اغلبها جيه من اللي استاذ محمد قاله ماعدا حاجتين بس هما:
التكاليف المباشرة والتكاليف الغير مباشرة
التكاليف الثابتة والتكاليف المتغيرة
وبعديها كان الباقي بالانجليزي وبما اني الحمد لله انجليزي فالموضوع مشي معايا بسلاسة
What of the following do you think that is should not be mentioned in the balance:
a)sales commission b)salaries & wages
c)account receivable d)owner's capital
e) Owner's withdrawls
What of the following do you think that it should mentioned in the adjusted trial balance:
a)sales commission b)salaries & wages
c)account receivable d)owner's capital
e) Owner's withdrawls
mention briefly the meaning of the following:
*accrued expenses
*prepaid expenses
*Income statement
*FIFO & LIFO
فاضل حاجة بس اخيرة اقولها عن اخر نقطة (FIFO & LIFO) اللي هما اختصار
First In First Out (FIFO)
Last In First Out (LIFO)
اللي كان قالهم استاذ محمد قبل كده
ما هي طرق تسعير المخازن ؟؟؟
أولا: الوارد أولا يصرف أولا :
ايه ده أولا في كله...
يعني البضاعة لما بتدخل في المخازن بسعر نبدا نصرف منها بنفس السعر الأول اللي احنا اشترينا بيه لحد لما تخلص الكمية وبعدين نخش على الكمية والسعر اللي بعده وهكذا
مثلا:
اشترينا 5 كمبيوترات بسعر2500 جنيه للجهاز ودخلوا المخزن
وبعدين اشترينا 3 كمبيوترات تانين ولكن بسعر 2600 جنيه للجهاز ودخلتاهم المخزن
أول ما نيجي نصرف مثلا 4 كمبيوترات من المخزن هيكونوا بسعر 2500 جنية سعر أول بضاعة خرجت
ولو جينا صرفنا 2 كمبيوتر تانين من المخزن هيكون واحد بسعر 2500 وواحد بسعر 2600 يعني نفضل ناخد سعر أول بضاعة جاية لحد لما تخلص الكمبية اللي عندنا
ثانيا : الوارد أخيرا يصرف أولا :
وهي عكس الطريقة الأولى يعني نصرف من المخزن البضاعة بسعر آخر بضاعة دخلت المخزن لحد لما تخلص الكمية وبعدين نخش على الكمية اللي قبلها وهكذا .
مثلا :
في حالتنا السابقة دي
اول لما نيجي نصرف أربع كمبيوترات من المخازن هنصرف 3 كمبيوترات بسعر 2600 جنية وبعدين نصرف كمبيوتر واحد بسعر 2500 جنية يعني صرفنا بآخر سعر دخل المخزن لحد ما خلصت الكمية وبعدين أخذنا بسعر اللي قبله وهكذا
وأول لما نصرف 2 كمبيوتر من المخزن هنصرفهم بسعر 2500 جنيه
